Ջերմուկ համայնքի ղեկավարը, ղեկավարվելով «Տեղական ինքնակառավարման մասին» Հայաստանի Հանրապետության օրենքի 38-րդ հոդվածի 1-ին կետի 8-րդ ենթակետով, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 31-րդ հոդվածի 4-րդ կետով հայտարարում է Ջերմուկ համայնքի 2020 թվականի բյուջետային գործընթացի մեկնարկի մասին:
Ջերմուկի համայնքապետարանի աշխատակազմի առանձնացված և կառուցվածքային ստորաբաժանումների ղեկավարներին, վարչական ղեկավարներին և համայնքային բյուջետային հիմնարկների ղեկավարներին, ինչպես նաև համայնքի բոլոր բնակիչներին, քաղաքացիական հասարակության և մասնավոր հատվածի սուբյեկտներին խնդրում ենք հանդես գալ առաջարկություններով՝ դրանք բյուջեի նախագծում ներառելու նպատակով: